جرمني په افغانستان کښې خپلو ښاریزو ته خبرداری ورکړ
زمونږ خبریال راپور راکړی د جرمني د باندنیو چارو وزارت د یوې خبر پاڼې په خپرولو سره د افغانستان په امنیتي حالت باندې د اندیښنې په څرګندولو سره له خپلو ښاریزو وغوښتل چې له افغانستانه ووځي.
د جرمني د بهرنیو چارو وزارت د خپل هیواد ښاریزو ته په وینا کښې وویل د افغانستان امنیتي حالت مناسب نه دی او په کابل کښې د جرمني د سفارت د تړل کیدا په دلیل حاضردمه په افغانستان کښې د ځايي کنسولي ملاتړ هم امکان نلري.
د جرمني خارجه وزارت بیانیه وايي چې په تیرو دوو کلونو کښې په ټول افغانستان کښې وژلې ، غلاګانې او د خلکو تښتول په تیره بیا د خارجي ښاریزو تښتول او نور جنایتونه او تاوتریخوالي زیات شوي دي.
د جرمني حکومت په داسې حال کښې په افغانستان کښې د ناامنۍ ادعا کوي چې برلین له خپل هیواده د کډوالو د ایستلو بهیر له سره پیل کړی دی او د تیر کال په تلې میاشتې کښې له ګواښ سره د مخامخ افغانانو د منلو د پروګرام له رامینځته کولو او هره میاشت د زرګونو کسانو له منلو سره سره تراوسه هیڅ پناه غواړی د دغه پروګرام له لارې جرمني ته نه دی بیول شوی.
