بريتانیا د افغانستان د تېر نظام ۵۰۰ ځانګړو ځواکونو ته پناه ورکوي
ټاکل شوې د بریتانیا دولت د افغانستان د تېر نظام ۵۰۰ ځانګړو ځواکونو ته پناه ورکړي.
د معلوماتو پر بنسټ، د افغانستان د تېر نظام شاوخوا دوه زره ځانګړو ځواکونو چې په دې هېواد کې یې له برتانوي ځواکونو سره ګډ کار کړی وو، د پناه غوښتنه کړې ده.
په دې شمېر کې د یو زرو او ۵۰۰ کسانو برخلیک لا نه دی په ډاګه شوی.
د بریتانیا د دفاع وزارت پارلماني مرستیال لوک پولارډ د دغه هېواد مشرانو جرګې ته ویلي: «یو شمېر غوښتنلیکونه په ناسمه توګه رد شوي وو او په دې هکله نوې ارزونه شوې ده»
پولارډ ویلي چې ښايي ۲۵ سلنه غوښتنلیکونه بیا ومنل شي.
د معلوماتو پر بنسټ، پر افغانستان د طالبانو له واکمنېدو وروسته دغې ډلې شپږ پخواني سرتېري له برتانوي ځواکونو سره د همکارۍ په تور ووژل.
د دې ترڅنګ له طالبانو څخه د وېرې او امنیتي ګواښونو له وجې د تېر نظام یو شمېر ځانګړي ځواکونه له افغانستانه وتلي او د ایران او پاکستان په ګډون ګاونډیو هېوادونو کې اوسېږي.
