له ۲۸ میلیونه ډېر افغانان بېړنیو مرستو ته اړتیا لري
د ملګرو ملتونو د وګړو صندوق ویلي چې سږکال د طالبانو تر واک لاندې په افغانستان کې ۲۸.۳ میلیونه وګړي بېړنیو مرستو ته اړتیا لري.
دغه صندوق د لړم پر ۲۵مه، په يوې بیانې کې ليکلي چې د افغانستان خلک د لسيزو جګړو، شدېدې وچکالۍ، د خوړو نهخونديتوب، طبيعي پېښو او بې ځايه کېدو له منفي اغېزو سره مخ دي.
د بیانیې پر بنسټ، د اړمنو کسانو له ډلې ۱۳.۸ ميليونه يې ښځې او نجونې دي.
په بیانیې کې راغلي: «په داسې حال کې چې ټول له دې ډول ناورینونو څخه اغیزمنېږي، خو ښځې، نجونې، معلولان او عمرخوړلي ډېری په نامتناسب ډول اغېزمن شوي دي.»
د یادونې ده چې څو میاشتې مخکې د ملګرو ملتونو د کډوالو عالي کمېشنرۍUNHCR) ) ویلي وو چې د طالبانو محدودیتونو افغان مېرمنې ډېرې زیانمنې او مرستې ته اړې کړې دي.
څو ورځې مخکې د خوړو نړیوال پروګرام(WFP) د اکتوبر میاشتې په راپور کې ویلي وو چې په راتلونکي ژمي کې ۱۴.۸ میلیونه افغانان بېړنیو مرستو ته اړتیا لري.
