افغان طالبان هیڅکله هم د امریکا بیرته ستنیدا نه مني
د یو امریکايي تحلیلګر د معلوماتو له مخې، په افغانستان کې د طالبانو لخوا د امریکائي عسکرو د بېرته ستنېدل ناشوني دي او طالبان به هیڅکله د دوي د بېرته تګ اجازت ورنکړي.
د تسنیم خبري اژانس راپور له مخې، د ډيموکراسۍ د دفاع بنسټ لوړپوړي څیړونکي "بیل راجیو" له فکس نیوز سره په خبرو کې ټینګار وکړ چې د افغانستان طالبان به هیڅکله په افغانستان کې د امریکايي عسکرو د بېرته ستنیدا ملاتړ ونه کړي. هغه زیاته کړه چې چین او روسیه هم په افغانستان کې د امریکا د بیاځلې شتون د مخنیوي لپاره ستراتیژیکې ګټې لري.
د لانګ وار ژورنال خپرونې مدیر وویل چې په ۲۰۲۰ کال کې د دوحې له تړون وروسته د امریکائي عسکرو له افغانستانه وتل، د چین لپاره د ون روډ ون بیلټ نومې پروژې له لارې اقتصادي او سیاسي نفوذ لپاره فرصت برابر کړ. طالبان اوس له چین سره د کانونو او سوداګریزو تړونونو څخه ګټه پورته کوي.
دغه امریکائي تحلیلګر ادعا وکړه چې که چین د طالبانو او امریکا ترمینځ کوم احتمالي تړون وویني، کولای شي د کانونو امتیازاتو لغوه کولو، د سوداګرۍ محدودولو او حتی د ډیپلوماټیکو اړیکو د پرې کولو له لارې پر طالبانو دباؤ واچوي.
د راجیو دا څرګندونې په داسې حال کې دي چې د امریکا ولسمشر "ډونالډ ټرمپ" په دې وروستیو کې ادعا کړې چې واشنګټن غواړي د افغانستان د کابل "بګرام" پوځي اډه بېرته تر کنټرول لاندې راولي. خو طالبانو دا ادعا "ناشونې او رد" بللې او ټینګار ئې کړی چې د بهرنیو پوځي ځواکونو شتون په بشپړه توګه منتفي دی.
د ۲۰۲۱ کال د اګست له میاشتې راهیسې، کله چې امریکايي ځواکونه له افغانستان څخه ووتل، د واشنګټن د پوځي شتون بیا رغولو موضوع په امریکا کې د ځینو سیاسي کړیو لخوا څو ځله راپورته شوې، خو طالبانو د بهرنیو پوځي ځواکونو بېرته ستنیدا د یوې "سرې کرښې" په توګه اعلان کړې ده.
