د افغانستان او پاکستان سرحدي ځواکونو ترمینځ بیا سخت جنګ شوی
پارس ټوډې - د افغانستان د طالبانوسرحدي ځواکونو ډپاکستان د پولې په سر پر پوځي پُستو د توپونو ډزې کړي چې د پاکستان پوځ سخت ځواب ورکړی، او وئیل کیږي،یوه افغان پوسته ویجاړه شوې ده.
زمونږ خبریال د دنیا نیوز له قوله راپور راکړ، د افغانستان د طالبانو دحکومت سرحدي ځواکونو د پاکستان دپوځ له خوا د افغانستان پر ځینو سیمو بمباریو وروسته چې وئيل کیږي، د تحریک طالبان پاکستان ټي ټي پي ترهه ګرو روزنیز مرکزونه ئې په نښه کړي ، په تورخم او تیراه سرحدي سیمو کې پر پاکستاني پوځي پُستو ډزې کړې چې د دواړو خواؤ ترمینځ د شخړې سبب شوي دي.
د پاکستان امنیتي ځواکونو د دغه برید سمدستي ځواب ورکړی دی . د پاکستان د لومړی وزیر شهباز شریف د بهرنیو رسنیو ویاند مشرف زېدي په ایکس (پخوانی ټویټر) کې ویلي چې هر ډول نورې پارونکې پيښې ته به سمدستي او سخت ځواب ورکړل شي.
د پاکستان د امنیتي سرچینو له مخې، نښتې د سرحدي سیمې په درو بېلابېلو سیمو کې شوې او ډزې کابو تر یو ساعت روانې وې. البته راپورونه ښئ چې د پاکستان د پوځي مامورانو ته کومې مرګ ژوبلې نه دي اوښتي . خو د ځوابي عملیاتو پر مهال د افغان ځواکونو یوه پوسته په نښه او په بشپړه توګه ویجاړه شوې ده .
داپه داسې حال کې دي چې د افغانستان د حکومت ویندوي ذبیح ا... مجاهد د افغانستان په خاورې د پاکستانیو جنګي الوتکو په بمباریو پسې په زغرده وئیلي دي چې د پاکستان پوځ به ددغو تیریو بیّه ورکړي او دوي به یوازې له پوځي ځواکونو دد غه برید غچ واخلي.
