افغانستان له نشه ایزو موادو سره په جدی مبارزې تاکید وکړ
د افغانستان له نشه ایزو موادو سره د مبارزې وزیرې له دغې سپېرې ښکارندې سره په سختې مبارزې تاکید وکړ
د افغانستان له نشه ایزو موادو سره د مبارزې وزیرې مېرمن سلامت عظیمی پرون په کابل کښې له نشه ایزو موادو سره د مبارزې د ملی وحدت د هفتې د پرانېستې په مراسمو کښې وویل: افغانانو ته پکار دی چې له دغې سپېرې ښکارندې سره په وحدت سره مبارزه وکړی.
همدارنګ د افغان ولسمشر محمد اشرف غنی دویم مرستیال سرور دانش هم په دغه غونډه کښې له نشه ایزو موادو سره د مبارزې لپاره د حکومت او نړیوالو ادارو مختلفو پلانونو او لارو چارو ته د بیا کتنې غوښتنه وکړه.
افغانستان په نړۍ کښې د نشه ایزو موادو ترټولو ستر تولیدوونکے او په اوس حال کښې په دغه هېواد کښې تقریباً درې میلین او شپږ لکه کسان په نشو اخته دی.
د ملګرو ملتو د رپوټ له مخې په افغانستان کښې د نشه ایزو موادو کلنے تولید نهۀ زره ټنو ته رسېدلے دے.
امریکه او برطانیه له تېرو پینځلسو کلونو راهسې په افغانستان کښې په فوځی شتون سره په دغه هېواد کښې د نشه ایزو موادو په زیاتوالی کښې څرګند رول لری.
