افغان ښځیه فوځی افسرانې په هند کښې روزل کیږی

د افغانستان ښځینه فوځی افسرانې د هند د تامل ناډو صوبې په چنای ښار کښې د فوځی روزنې په حال کښې دی.

د اېرنا د رپوټ له مخې دغه افغان ښځینه افسرانې د هند د چنای ښار په فوځی اډو کښې په کمپیوټر کښې  د وسلو له ډزو نه واخلې تر فوځی عملیاتو پورې زدکړې حاصلوی.

دغه شل کسیزه ډله د افغانستان وړومبنۍ ښځینه فوځې افسرانې دی چې د هند د فوځی زدکړو په پروګرامونو کښې ګډون کوی.

ویل کیږی دغه پروګرامونه د افغانستان په فوځ کښې د دغه هېواد د حکومت د پلان یوه برخه ده.

افغان حکومت اعلان کړے دے چې غواړی د دغه هېواد په فوځ کښې د ښځو ونډه له اوسنیو دریو فیصدو نه لسو فیصدو پورې زیاته کړی.

په همدې لړ کښې څلور زره افغان سړی فوځیان هم د هند په دفاعی او د پولیسو په ادارو کښې د روزنې په حال کښې دی.