په افغانستان کښې د بي بي سي ځاي خبريال هم ووژل شو
د بي بي سي ځاي خبريال نن مازيګر د افغانستان په خوست ولايت کښې ووژل شو.
له کابله زمونږ د خبريال د رپوټ له مخې ناپېژندل شويو وسله والو کسانو نن مازيګر په خوست ولايت کښې د بي بي سي د پښتو څانګې ځاي خبريال احمد شاه په ډزو سره ووژۀ.
دا د رسنيو لسم کس دے چې نن په کابل او خوست کښې وژل کيږي.
نن سحر په کابل کښې د داعش ترهه ګرې ډلې د حملې له کبله هم نهۀ تنه خبريالان او فوټوګرافران ووژل شول.
همدارنګ نن په کابل او قندهار کښې د تکفيريانو په حملو کښې د يولسو ماشومانو په شمول له څلوېښتو زيات کسان ووژل شول او د اتو زده کونکو په شمول په لسګونو نور هم ژوبل شول.
دغه چاودنې په داسې حال کښې رامنځته کيږي چې د افغانستان د ولسي جرګې نمائندګانو پرون د دغه هېواد د امنيت په ټينګولو کښې د ناتوانۍ په وجه د اشرف غني په حکومت په نيوکې سره د کابل له حکومته وغوښتل د ترهه ګرو ډلو د حملو مخنيوے دې وکړي.
په تېره څو ورځو کښې د افغانستان مختلفې سيمې د بيلا بيلو چادونو کتونکې وې چې په پکښې په لسګونو خلق وژل شوي دي.
