د افغانستان حکومت د طالبانو خلاف اوربند لس ورځې نور تمدید کړ

خبري سرچینو له طالب ډلې سره د افغانستان د حکومت د اوربند د لس ورځني یو اړخیزه تمدید خبر ورکړ.

د رویټرز خبري آژانس د خبر له مخې د افغانستان حکومت له طالبانو سره شوی اوربند چې راتلونکې چارشنبه پاې ته رسیږي، د نورو لسو لپاره تمدید کړ.

د افغانستان ولسمشر اشرف غني د جمعې په ورځ د وړوکي اختر د لمانځه له کولو وروسته له طالب ډلې سره د اعلان شوي اوربند د غځولو په اعلان سره دغه ډله یوځل بیا صلحې ته راوبلله او ویې ویل چې بین الافغاني خبرواترو ته چمتو دی.

په همدې لړ کښې د هرات د پولیسو قومندان په وړومبي ځل د مینځګړیتوب او د صلحې د ټینګولو په موخه د دغه ولایت د ځینو ولسوالیو ناامنو سیمو ته سفر کړی او له ځینو طالب مشرانو سره خبرې اترې کوي.