بیومیټریک اله څرنګه کار کوی ؟

کیدلې شی په افغانستان کې ډیرو کسانو لپاره د بیو میټریک الې نوم نوې وی او غواړی به چی پوهه شی دا اله څرنګه کارکوی ، څرنګه ده او څرنګه پرې ګوته لګول کیږی .

بیو میټریک اله یا دستګاه له موبایل ټیلی فون لګه ستره صحفه لری چی برې پکې سترګه یا الیکټرونیکی لنز د ګوتې د لګولو لپاره موجود وی .د دغې الې شا ته د کیمرې لنز اود رایه ورکونکی او د تزکرې د انځور اخیستلو لپاره فلش موجود وی .

د معلوماتو د ثبتولو وخت

 د هر رایه ورکونکی د مشخصاتو د ثبتولو لپاره له ۴۰ شیبو تر یوه دقیقه پورې وخت ته اړتیا لری چی په دغه وخت کی د رایه ورکونکی د څیرې ، ګوتې او د تزکرې مخ او شا انځور اخیستل کیږی .

 د بیو میټریک الې چارج

هره اله له اتو تر لسو ساعتونو پورې په خپلې بیټری کار کوی او د دغې الې تر څنګه پاور بانک هم د بیا چارج کولو لپاره په نظر کې نیول شوې دې .

د بیومیټریک الې د رایه ورکولو مرکزونو شمیر

په افغانستان کې د رایه ورکولو ۲۱ زره مرکزونه په نظر کې نیول شوی دی چی هر یو مرکز به دغه اله ولری . یو زر اضافی الې به هم موجودې وی چی که په کوم ځای کی په هر دلیل کومه اله د استفادې نه وی نو بله نوی اله ورته ورکړل شی . حاضر دمه د بیو میټریک سیسټم ۴۵۰۰ الې د افغانستان خپلواکه کمیشن ته سپارل شوی دی او پاتې الې به د تلې یا میزان  د ۲۸ نیټې یعنی انتخاباتو تر سره کیدا پورې د افغان دولت له لوری تامین شی . افغانستان ټول ټال ۲۲ زره الو ته اړتیا لری .د بیو میټریک سیسټم ټول لګښتونه به افغان حکومت ورکوی .

ضروری ټکې

 که کوم کس په رایه ورکولو کې له یوه ځل زیات ګډون کړې وی نو اله یې پیژنی او دهغه به یوازې یو ځل رایه ثبت کیږی او پاتې رایه به یې خپل پخپله باطله شی .

برابرونکې :جمیل حسین بنګش