دافغانستان د کاندیدانو د حذفیدا احتمال شته
ایسنا خبری اژانس وایی د افغانستان د انتخاباتو د شکایتونو کمیسیون ویاند او غړی علی رضا روحانی وویل له دې سره سره چې نهایی فهرست اعلان شوی خو د پارلمان د انتخاباتو د کاندیدانو د حذفیدا احتمال اوس هم شته .
علی رضا روحانی وویل د افغانستان د انتخاباتو کمیسیون ته بیلا بیل شکایتونه رسیدلی دی او دغه کمیسیون دخپل صلاحیت په چوکاټ کښې په موضوګانو او شکایتونو غور کوی .
هغه وویل دهغو کاندیدانو پرضد چې احتمالا د انتخاباتو له نهایی فهرست څخه حذف کیږی یوشمیر شکایتونه شته او د انتخاباتو دکمیسیون د فیصلې داعلانیدا نیټه روښانه نه ده .
له دې مخکې هم د افغانستان د انتخاباتو په شکایتونو دغور کمیسیون د پارلمان د انتخاباتو د کاندیدانو له فهرست څځه پینځه دیرش(۳۵) کسان حذف کړی وو .
ټاکل شوی ده چې دافغانسان پارلمانی انتخابات په درې(۳) کال ځنډ سره د روان میلادی کال په اکتوبر میاشت کښې وشی .
د افغانستان په دغو انتخاباتو کښې د پارلمان د دوه سوه پنځوسو (۲۵۰)څوکیو لپاره دوه زره پینځه سوه پینځه شپیتو(۲۵۶۵) کسانو ځانونه کاندیدان کړی او کابو نهه(۹) میلیونه رایو ورکونکو هم خپل نومونه ثبت کړی دی .
