دافغانستان د سولې شورا په خبرو اندیښنه څرګنده کړه

تسنیم خبری اژانس وایی د افغانستان د سولې د لوړې شورا غړی عبدالحکیم مجاهد د اشرف غنی دحکومت په نشتون کښې په قطر کښې د طالبانو او دامریکا د استازیو د خبرواترو په دوام اندیښنه څرګنده کړه .

عبدالحکیم مجاهد وویل د افغانستان حکومت باید د قطر په خبرو کښې  یو(۱) مهم  لوری وی او تر هغه وخته چې د کابل حکومت په دا ډول خبرو کښې ګډون ونلری په قطر کښې احتمالی موافقې به اجرایی نشی .

هغه وویل ټول لوری په تیره بیا دافغانستان حکومت باید په هیواد کښې د سولې او ثبات په ټینګیدا کښې ونډه ولری .

د افغانستان د سولې د لوړې شورا اندیښنه په داسې حال کښې ده چې طالبان تراوسه د کابل له حکومت سره نیغ په نیغه خبرو اترو ته نه دی چمتو شوی .

له امریکا سره د طالبانو د خبرو اترو پینځم (۵) پړانو له تیرو څوارلسو (۱۴) ورځو راهسې د قطر په پلازمینې دوحې کښې پیل شوی خو تراوسه یې هیڅ  نتیجه نه ده ورکړی .

طالبان په دغو خبرو کښې له افغانستان څخه د ټولو بهرنیو عسکرو په وتلو ، د دغه هیواد له زندانونو دخپلو ټولو بندیانو  په خوشی کولو او د ملګروملتونو له تور فهرست څخه د طالبانو د مشرانو د  نومونو په لیرې کولو ټینګار کوی .