طالبانو منلې ده چې ممکنه ده د سولې هوکړه وشی
د امریکا او طالبانو ترمینځ د اوه م پړاؤ خبرې اترې په داسې حال کې په قطر کې روانې دی ، چې له دې مخکې ددغو خبرواترو په شپږو پړاؤنو کې هیڅ داسې مثبته نتیجه نه ده لیدل شوی او دواړه لوری پخپلو دریځونو ټینګار کوی البته طالبانو ډلې یو ځل بیا له افغانستانه د بهرنیو عسکرو په تیره بیا د امریکائی عسکرو پر وتلو ټینګار کړی دی .
زمونږخبریال د افغان خبری سرچینو له قوله راپور راکړپه قطر کې د طالبانو ډلې د سیاسی دفتر ویندوی سهیل شاهین پرون په یولړ څرګندونو کې له امریکائی استازو سره په روانو خبرواترو کې د پرمختګ خبر ورړی او وئیلی ئې دی په څلورو کې درې برخې پرمختګ شوی او ممکنه ده بشپړ سولې او روغې جوړې ته ورسیږو.
راپورښئ ډیری خبری سرچینې وائی ، د امریکا او طالبانو خبرې حساس پړاو ته رسیدلی دی ،په همدې خاطر د امریکا د بهرنیو چارو وزیرمایک پمپئو هم په همداوروستیو کې وئیلی ، د افغانستان د سولې وخت رارسیدلی اوباید لازیات دقت وشی .
د آزادۍ ریډیو خبری سایټ هم لیکلی دی د طالبانو د سیاسی دفتر ویاند سهیل شاهین ویلی دی له امریکائی استازو سره پرونۍ غونډه ځکه مهمه او هیله منوونکې ده چې تر یوه حده پکې پرمختګ شوی او ممکنه ده د سولې هوکړه وشی.
داپه داسې حال کې دی ، چې د قطر په خبرو کې د امریکا مشر مرکچی زلمی خلیلزاد ددغه پرمختګ په باب تر دې دمه څه نه دی و ئیلی .
د امریکا او طالبانو ترمینځ د اوه م پړاؤ خبرې اترې په داسې حال کې په قطر کې روانې دی ، چې له دې مخکې ددغو خبرواترو په شپږو پړاؤنو کې هیڅ داسې مثبته نتیجه نه ده لیدل شوی او دواړه لوری پخپلو دریځونو ټینګار کوی البته طالبانو ډلې یو ځل بیا له افغانستانه د بهرنیو عسکرو په تیره بیا د امریکائی عسکرو پر وتلو ټینګار کړی دی .
