طالبان له امریکا سره د موافقې غوښتونکی دی
-
زلمي خلیل زاد د افغانستان دسولې په پروسې کښې د پاکستان د مخلصانه مرستې ستاینه وکړه .
زمونږخبریال وایی د افغانستان په چارو کښې دامریکا ځانګړی استازی زلمی خلیل زاد وویل طالبان داسې اشارې ورکوی چې موافقه غواړی او زیاته یې کړه په افغانستان کښې دامریکا دعسکرو شتون او د پوځیانو وتل شرطونه لری .
هغه د امریکا او دافغانستان داړیکو په هکله وویل واشنګټن د افغانستان له طالبانو سره داسې موافقه غواړی چې پراساس یې د عسکرو وتل امکان ولری .
د افغانستان په چارو کښې دامریکا ځانګړی استازی زلمی خلیل زاد وویل دافغانستان طالبان د موافقې د لاسلیک کولو اشارې ورکوی او امریکا هم د ښې موافقې لاسلیک کولو ته تیاره ده .
هغه وویل زه له طالبانو سره دخبرواترو دنوی پړاو لپاره قطر ته ورځم .
دغه راز دپاکستان دپوځ مشر جنرال قمر جاوید باجوا هم دامریکا له ځانګړی استازی زلمی خلیل زاد سره په کتنې کښې په افغانستان کښې دسولې دخبرو د بریالیتوب او هڅو په اړه بحث وکړ .
زلمی خلیل زاد په دغه کتنې کښې د افغانستان دسولې په پروسې کښې د پاکستان د مخلصانه مرستې ستاینه وکړه او دپاکستان د پوځ مشر باجوا هم وویل اسلام اباد به د سولې د راوستلو لپاره د خپلو هڅو د پیاوړی کولو لپاره خپل رول ولوبوی .
