دافغانستان ولسمشر د ملکیانو په وژلې نیوکه وکړه
-
تراوسه په افغانستان کښې دامریکا دبې پایلوټه الوتکو په ډیرو بریدونو کښې ګڼ شمیر ملکي وګړي وژل شوي دي .
زمونږ خبریال وایی د افغانستان ولسمشر اشرف غنی وویل په پوځی عملیاتو کښې د ملکیانو وژله د زغملو وړ نه ده .
د افغانستان د ولسمشرۍ د مطبوعاتو دفتر نن په یوې (۱) بیانیې کښې وویل د ملکی خلکو وژله د امریکا د اتلس (۱۸) کلن جنګ بریا ده او باید داسې تدبیرونه غوره شی چې په بریدونو کښې ملکیانو ته هیڅ تاوان ونه رسیږی .
دافغانستان ولسمشر اشرف غنی په هلمند ولایت کښې په وروستیو پوځی عملیاتو کښې د ملکی خلکو وژله تائید کړه او له مسولو ادارو یې وغوښتل چې د ځانګړی پلاوی په استولو سره په دغه ولایت کښې د ملکی خلکو دوژلې په هکله هراړخیزه تحقیقات ترسره کړی .
د افغانستان د هلمند د ولایتی شورا غړو ویلی دی په «موسی قلعه» ولسوالۍ کښې د واده په مراسمو د افغانستان او دخارجی عسکرو په هوایی بریدونو کښې د ښځو او دماشومانو په شمول کابو څلویښت(۴۰) کسان وژل شوی دی .
تراوسه په افغانستان کښې دامریکا دبې پایلوټه الوتکو په ډیرو بریدونو کښې ګڼ شمیر ملکی وګړی وژل شوی دی .
دامریکا پوځ په تیرې جمعې ورځ په یوې(۱) بیانیې کښې اعتراف وکړ د افغانستان په ختیځ کښې په ننګرهار ولایت کښې دواشنګټن د بې پایلوټه الوتکو په حملې کښې څه دپاسه دیرش (۳۰) ملکیان وژل شوی دی .
