د ولسمشریزو انتخاباتو رایه اخیستنه مازیګر ۵ بجې پاې ته ورسیده

د افغانستان د انتخاباتو خپلواک کمیشن پرون مازیګر پنځه بجې د ولسمشریزو انتخاباتو د رایه اخیستنې د بهیر د ختمیدو خبر ورکړ.

د افغانستان د انتخاباتو خپلواک کمیشن وویل چې د دغه هیواد د ولسمشریزو ټاکنو د رایه اخیستنې بهیر پرون یعنې د ستمبر په اتویشتمه نیټه په ځايي وخت د مازیګر په پنځه بجې پاې ته ورسید او ورپسې د رایه اخیستنې په مرکزونو کښې د انتخاباتو د راې شمیرنې بهیر پیل شو.

ټاکل شوې وه چې د رایه اخیستنې کار د مازیګر په دریو بجو پاې ته ورسیږي خو د انتخاباتو خپلواک کمیشن دغه بهیر دوه ساعته نور تمدید کړ.

د افغانستان د انتخاباتو خپلواک کمیشن ویلي چې د ولسمشرۍ د انتخاباتو لپاره رایه اخیستنې په څلور نیمو زرو مرکزونو کښې ترسره شوې ده.