کندهار، خوست او سمنګان کښې امنیتي پیښې
کندهار کښې دوه (۲) تنه د څلور نوي (۹۴) کیلو ګرامه نشه يي توکو د قاچاق په تړاو نیول شوي او په خوست او سمنګان ولایتونو کې یوولس (۱۱) کړۍ ماینونه له منځه وړل شوې دي.
کندهار کښې دوه (۲) تنه د څلور نوي (۹۴) کیلو ګرامه نشه يي توکو د قاچاق په تړاو نیول شوي او په خوست او سمنګان ولایتونو کې یوولس (۱۱) کړۍ ماینونه له منځه وړل شوې دي.
دافغانستان دکورنیو چارو وزارت خبر پاڼه وایي چې، د ملي پولیسو ځانګړو ځواکونو د کندهار ولایت په پنجوايي ولسوالۍ کې د نشه يي توکو ضد یو لړ عملیات ترسره کړي، چې په ترڅ کې یې دوه تنه د (۹۴) کیلو ګرامه نشه يي توکو د قاچاق په تړاو نیولي شوي دي.
په ضبط شویو نشه يي توکو کې څلور کیلو ګرامه تریاک او (۹۰) کیلو ګرامه چرس شامل دي.
بلخوا خبر پاڼه وایي چې ، پولیسو خوست او سمنګان ولایتونو کې د (۱۱) کړیو ماینونو او د توپ یوې ګولۍ له چاودنې مخنیوی کړی دی.
د خوست ولایت د قلندر، تڼیو او مندوزیو ولسوالیو په اړوند سیمو کې نهه کړۍ ماینونه او د سمنګان ولایت د فېروز نخچیر ولسوالۍ د (دشت بابه قره پله) په اړوند سیمو کې دوه کړۍ ماینونه د ملکي مرګ ژوبلې په هدف ځای پر ځای شوي ول چې، له چاودنې مخکې د پولیسو لخوا کشف او له منځه یوړل شول.
