د افغانستان کړکیچ پوځي حل لاره نه لري
تسنیم خبري اژانس وايي د افغانستان پخواني ولسمشر حامد کرزي له خبرو او سیاسي لارې په هیواد کښې د جنګ د ختمیدا او د کړکیچ د هواري پر اړتیا ټینګار وکړ .
هغه پرون په یوې (۱) خبر پاڼه کښې په افغانستان کښې د جنګ له ښکلیو خواو وغوښتل په هیواد کښې د بې ثباتۍ د ختمیدا او د پایداره سولې د ټینګیدا لپاره د داخلي خبرو اترو د زر پیلیدا او د هغوې د بریالیتوب لپاره خپلې هڅې ګړندې کړي .
د افغانستان پخواني ولسمشر حامد کرزي وویل پوځي عملیات د دغه هیواد د کړکیچ حل لاره نه ده .
له دې مخکې د افغانستان اوسني ولسمشر اشرف غني هم ویلي وو په هیواد کښې روان جنګ د خارجیانو لخوا د دوې د ګټو په لړ کښې د افغانستان په خلکو ورتپل شوی دی .
امریکا او ملګرو یې په ۲۰۰۱ میلادي کال کښې له ترهګرۍ سره د مبارزې او د افغانستان د تامینولو په پلمه په افغانستان یرغل وکړ خو له دغه نیټې راهسې تراوسه نه یوازې د افغانستان مشکلات حل شوي نه دی بلکې په هیواد کښې ناامنۍ ، ترهګرۍ او د نشه ییزو موادو تولید بیخي زیات شوی دی .
د افغانستان خلک او چارواکي له خپل هیواد څخه د امریکا په مشرۍ د ټولو بهرنیو عسکرو د وتلو غوښتونکي دي
