په غزني ولایت کښې دیارلسو وسلوالو مخالیفینو ته مرګ ژوبله اوښتې
د غزنی ولایت سیمه ایز چارواکي وایي تېره شپه د دولت وسلوالو مخالیفینو د غزني ولایت ده یک ولسوالۍ په مقام ډله یز برید تر سره کړ چې د نښتو په نتيجه کښې وسلوالو ته مرګ ژوبله اوښتې .
د غزني ولایت د والی ویاند واحدالله جمعه زاده وایي چې دغې جګړې شا وخواه یو نیم ساعت دوام وکړ چې په نتيجه کې تنه وسله وال ووژل شول او (۶) تنه نور ژوبل شول .
نوموړي وويل ملکي کسانو ته مرګ ژوبله نده اوښتې یواځي یو سر تیرے پکي برسیرن زخمي شوے دے.
دیو بل خبر له مخې پرون د ورځي شا وخواه (۲:۰۰) بجي د ده یک ولسوالۍ ولسوال فضل الرحمن نظروال باندې د غزني ښار د خشک په سیمه کې د وسلوالو مخالیفینو له لوري برید شوی چې نوموړی له خپلو ساتوونکوسره ترې روغ وتلی .
وسله والو طالبانو د دواړو خبرونو په اړه رسنیو ته تر اوسه څه نه دي ويلي.
دا په داسې حال کې ده چې یوه اونۍ وړاندې د ناپیژاندو وسله والو له لورې یو تن ملکي کس په ډزو ووژل شو.
