عبدالله عبدالله هند ته خپل سفر ختم کړ

د افغانستان د ملي روغې جوړې د عالي شورا مشر هند ته د خپل سفر په ختمېدو دغه سفر کامياب وبلۀ.

د افغان آوا خبري آژانس د رپوټ له مخې عبدالله عبدالله هند ته له خپل څلور ورځني سفر او د دغه هېواد له چارواکو سره له ليدنو کتنو وروسته بېګا کابل ته ستون شو او خپل سفر يې ګټور وبلۀ.

د افغانستان دغه لوړ رتبه چارواکي په دغه سفر کښې د هند له وزيراعظم، د بهرنيو چارو له وزير، د ملي امنيت له صلاحکار او يو شمېر نورو هندي شخصيتونو سره ليدنې کتنې او په افغانستان کښې د صلحې د هلوځلو او د دواړو هېوادونود تعلقات د پراختيا په اړه د نظر تبادله وکړه.

عبدالله عبدالله له دې مخکښې په اسلام آباد کښې هم له لوړرتبه پاکستاني چارواکو سره د کابل او اسلام آباد د تعلقاتو او په قطر کښې د بين الافغاني صلحې مذاکراتو په اړه ليدنې کتنې او خبرې اترې کړې وې.