د افغانستان او تاجکستان ترمنیځ د ملګرتیا پنځه سندونه لاسلیک شول
د افغانستان او تاجکستان د ولسمشرانو د ملاقات په پاې کښې د دواړو هیوادونو ترمینځ د ملګرتیا پنځه سندونه لاسلیک شول
د افغانستان او تاجکستان د ولسمشرانو د ملاقات په پاې کښې د دواړو هیوادونو ترمینځ د ملګرتیا پنځه سندونه لاسلیک شول
فارس خبري آژانس لیکلي چې د ملګرتیا په دغو پنځو سندونو کښې د اقتصاد، سیاست او له ترهګرۍ او د نشه ایزو موادو له قاچاق سره د مبارزې په شان موضوعات شامل دي.
د افغانستان د ولسمشرۍ دفتر هم په یوه خبرپاڼه کښې وویل چې د دغه هیواد ولسمشر محمد اشرف غني د تاجکستان په پلازمینې دوشنبه ښار کښې د دغه هیواد د ولسمشر امام علي رحمان سره په کتنه کښې د سوداګرۍ، ټرانزټ، امنیت، کلتور او د انرجۍ په شمول مختلفو برخو کښې د دوه اړخیزو ملګرتیاؤ په پراختیا باندې ټینګار وکړ.
اشرف غني د افغانستان د صلحې له بهیره په ملاتړ کښې د تاجکستان د دریځ قدرونه وکړه.
په دغې کتنې کښې تاجک ولسمشر امام علي رحمان هم وویل: تاجکستان په افغانستان کښې د صلحې او ارامښت او کراري د راستنیدو غوښتونکی دی او په دې لړ کښې به له هیڅ مرستې ډډه ونه کړي.
د دواړو هیوادونو ولسمشرانو هم داشان ډاډ څرګند کړ چې د (آسیا زړه-د استنبول بهیر) کانفرنس په افغانستان کښې د صلحې او ثبات له بهیر او د دغه هیواد له اقتصادي بیارغاونې سره مرسته وکړي.
