افغانستان کښې کورونا ناروغۍ زیاته شوي ده
ایرنا خبري اژانس وايي راپورونه په افغانستان کښې د کورونا ویروس د نوي څپې د رامینځته کیدا او د خلکو د مړینې د زیاتیدا ښودنه کوي .
د افغانستان د روغتیا چارواکو وویل په پلازمینې کابل کښې د کورونا ویروس نوي څپه په زیاتیدا ده او د درملنې مرکزونو ته د خلکو د نه ورتلو په وجه د دغه ناروغۍ له کبله د خلکو د وژل کیدا د شمیر د زیاتیدا احتمال ډیر دی .
د کابل د روغتیا چارواکو وویل د هغو کسانو شمیر چې په وروستیو ورځو کښې د غاړې د درد ، د سختې تبې ، ټوخي او د نورو دردونو په خاطر د پلازمینې کابل په تیره بیا د کابل لویدیځ سیمو ته د درملنې لپاره ورځي زیات شوی دی .
په افغانستان کښې کورونا ناروغۍ تراوسه دوه زره او پینځه سوه دوه اتیا (۲۵۸۲) کسان وژلي دي .
تر نن سهار پورې په ټوله دنیا کښې په کورونا ویروس د ککړو کسانو شمیر یوسل اوه څلویښت (۱۴۷) میلیونه او څوارلس زره (۱۴۰۰۰) کسانو ته رسیدلی دی .
د ورلډ میټر اینټرنیټ پاڼې لخوا د خپرو شویو شمیرنو پراساس له امریکا وروسته هندوستان برازیل ، فرانسه ، روسیه او ترکیه له ترتیب سره سم په دنیا کښې په کورونا ویروس د ککړو کسانو تر ټولو زیات شمیر لري .
