امریکا او ناټو د افغانستان د کړکیچ اصلي عاملان دي
ایرنا خبري اژانس راپور راکړی د ایران د اسلامي جمهوریت، د چین ، د روسیې او د پاکستان د بهرنیو چارو وزیرانو امریکا او ناټو په افغانستان کښې د اوسني کړکیچ اصلي مسوولان وبلل.
د ایران ، د چین ، د روسیې او د پاکستان د باندنیو چارو وزیرانو په خپلې دریمې څلور اړخیزه غونډې کښې په افغانستان کښې د امریکا او د ناټو تړون ورانونکي رول ته په اشارې سره وویل : د ناټو غړي هیوادونه باید د افغانستان د اوسني حالت اصلي مسوولیت پرغاړه واخلي؛ د دغه هیواد پرضد یواړخیزه بایکاټونه سمدستي ختم کړي او د افغانستان کنګل کړې شوي شتمنۍ د دغه هیواد د خلکو د ګټې لپاره کابل ته ورستنې کړي.
د ایران د چین د روسیې او د پاکستان خارجه وزیرانو په دغه څلور اړخیزه غونډې کښې په افغانستان کښې د انساني او د امنیتي حالت د ښه کولو لپاره د سمدستي اقداماتو غوښتنه وکړه.
د ایران د چین د پاکستان او د روسیې د بهرنیو چارو وزیرانو په دغه بیانیې کښې د افغانستان له ملي واکمنۍ ، سیاسي خپلواکۍ ، وحدت او د ځمکنۍ بشپړتیا څخه په خپل پریکنده ملاتړ ټینګار وکړ او د داعش او د القاعده په شان د ترهګرو ډلو فعالیتونه یې د سیمې او د دنیا د امنیت لپاره جدي ګواښ وباله.
د امریکا نیواکګر پوځیان له ترهګرۍ سره د مبارزې په پلمه د افغانستان له شل کلن نیواک وروسته له طالبانو ډلې سره د موافقې له لاسلیک کولو وروسته د دوه زره یویشتم میلادي کال د اګست د میاشتې په یودیرشمه نیټه له افغانستانه ووتل او د امریکا د عسکرو لخوا د افغانستان شل کلن نیواک د دغه هیواد لپاره له بې وزلۍ او شاته پاتي والي پرته بل هیڅ ګټه نه ده لرلي.