ایران د هر ډول ګواښ پر وړاندې په کلکه درېږي

د ایران د اسلامي جمهوریت ولسمشر د صهیونیسټي رژیم لومړي وزیر ته په خطاب کې ټینګار وکړ: ایران د هر ډول ګواښ پر وړاندې په کلکه درېږي.

د ایران د اسلامي جمهوریت ولسمشر "مسعود پزشکیان " په خپل ایکس کاروونکي اکاونټ (پخواني ټویټر) کې لیکلي دي: د مشروع حقونو په اساس او د ایران او سیمې لپاره د سولې او امنیت په هدف سره، یو پرېکنده ځواب د صهیونیسټي رژیم تیریو ته ورکړل شو.

پزشکیان زیاته کړه: دغه اقدام د ایران د اتباعو او د ملي ګټو په دفاع کې وو.

د ایران د اسلامي جمهوریت ولسمشر ټینګار وکړ: نتانیاهو باید پوه شي چې ایران جنګ غوښتونکی نه دی، مګر د هر ډول ګواښ پر وړاندې په کلک درېږي؛ دا زموږ د قدرت یوازې یوه برخه ده او له ایران سره جګړې ته مه ننوځئ.