ټول لوبغاړي دې په فلسطین او لبنان کې د جنګ د فوری دریدا لپاره هڅه و کړي
سحاب – د ایران داسلامی جمهوریت خارجه وزیر په فلسطین او لبنان کې د جنګ د فوری دریدا لپاره د ټولو بغاړو په هڅو په ټيګار سره ووئيل، باید یوې ډيپلوماټيکې غوره نتیجې ته د رسیدا لپاره د فلسطین او لبنان د ملتونو روا ګټې او غوښتنې په نظر کې ونیول شي.
سحاب چینل د ایرنا له قوله ر اپور ورکړی، دایران خارجه وزیر سید عباس عراقچي پرون په تهران کې ددیره نورو هیوادونو دسفیرانو او دنمایندګیو د مشرانو په ټول کې ووئيل، په اوسني ټاکونکي او حساس وخت کې ایران دصهیونیسټي رژیم دجنایتونو او تیریو د دریدا په خاطر پر هراړخیزو هڅو ټينګار لري او له نړیوالو ټولنو غواړي دغزې تړانګې او لبنان د خلکو دعامې وژلې اوبمباریو ددریدا او همداراز په دغو سیمو کې د انسان دوستۍ د مرستو د آسانتیاؤ او د کډوالو په بوږنونکي وضعیّت د غور لپاره دې فوري او پریکنده اقدامات وکړي.
عباس عراقچي د ملګروملتو د یوه یوه غړي حکومت،د نړیوالو انسان دوستۍ د حقوقو او نسل وژنې د منع کونکي کمیشن ، دملګروملتو د منشور او دنړیوالو حقوقو د ښکاره خلاف ورزیو په وړاندې دفوري او دله ایزو اقداماتو لپاره د جینیوا د څلورو واړو کنونشونو د غړو حکومتونو د مسئولیّت په یادونې سره د صهیونیسټي جنایتکار رژیم د کنټرولولو لپاره د نړیوالې ټولنې د پریکنده او اغیزشیندونکي فوری خوځښت غوښتنه وکړه.
د ایران خارجه وزیر روښانه کړې ده،ترڅو چې په غزې تړانګې او لبنان کې د صهیونیسټي رژيم تیري ونه دریږي، سیمه به آرامښت ونه ویني او په همدې خاطر ایران په سیمې کې د هراړخیز اوعادلانه تل پاتې حل لارې لپاره ځيني سیمه ایزې او عملیاتي لارې چارې وړاندې کړي چې دبرخلیک ټاکنې د حق لپاره د فلسطین د ملت د ذاتي حقوقو په رسمیّت پيژندنې مشتملې دي
د ایران خارجه وزیر همداراز د لبنان په باب هم یادونه وکړه چې باید ددغه هیواد میداني او جغرافیائي واقعیّتونو ته دې ژوره توجه وشي، د لبنان حزب ا... او مقاومت ددغه هیواد په خلکو کې ریښه لري او له مینځه نشي وړل کیدلی. هغه په دې خبرې په ټينګار سره چې هغه پلانونه چې یوازې د صهیونیسټ رژيم ګټې په نظر کې ونیسي ،نو قطعا به ناکامې وي ،ووئيل، بې شکه په غزې تړانګې کې دنسل وژنې دوام او د لبنان او سورئې په ضد دصهیونیسټي رژيم تیري،په نورو سیمو کې ددغه تیریګر رژیم دترهه ګرو پوځي بلاغوښتنو تکرار، د نړیوالې سولې اوامنیت ګواښونکي اقدامات دي او امنیت شورا پابنده ده چې عملي ګامونه پورته کړي او د ملګروملتو د منشور داوم سپرکي په اساس د صهیونیسټي رژيم په ضد سخت بندیزونه ولګوي.
