د ایران ایټمی موضوع ډيپلوماټيک حل لارې ته اړتیا لري
د اروپائی اتحادئې د بهرني سیاست د کمیشن د مشر مرستیال له ایرانیو چارواکو سره خبرې اترې مثبتې وارزولې.
زمونږخبریال د مهر خبری آژانس له قوله راپور راکړ، په داسې حال کې چې ټاکل شوې ده،نن د ایران او درو اروپائي ټرائيکا(انګلستان،جرمني او فرانسې) ترمینځ د ایران د ایټمي موضوع په باب خبرې ترسره شي، د اروپائی اتحادئې د بهرني سیاست د کمیشن د مشر جوزف بورل مرستیال آنریکه مورا بیګا له ایراني لوري سره د رغنده خبرواترو دترسره کیدا خبر ورکړ.
مورا پخپلې ایکس پاڼې کې لیکلي دي ، په دغې کتنې کې له روسیې سره د ایران د ملګرتیاؤ، په لویدیځي آسیا سیمې کې اوسني تاؤتریخوالي او د تاؤتریخوالو د زیاتیدا دمخنیوي اهمیّت او هم د بشری حقوقو مسئلې مطرح شوې. مورا ټينګار کړی دی ، دایران ایټمی موضوع ډيپلوماټيک حل لارې ته اړتیا لري.
له دې مخکې د ایټمي انرژۍ دنړیوال آژانس په واکمنې شورا کې د پریکړه لیک په تصویبیدا کې د اروپائي ټرائيکا یو اړخیز اقدام د تهران د جدي نیوکو لامل شوی ؤ ،خو اوس بروکسل هڅه کوي، په مختلفو زمینو کې ددواړو لورو ترمینځ ډ يپلوماټيکې خبرې اترې بیل پیل شي.
