د لبنان په جنوب کښې د صهیونیسټی پوځ درې پوځیان ووژل شول

د صهیونیسټ رژیم سرچینو اعلان وکړ چې درې اسرائیلی پوځیان د لبنان په جنوب کښې وژل شوی دی.

زمونږ خبریال  د ایرنا له قوله راکوی  صهیونیسټی رسنیو د دغې پېښې جزئیات نه دی یاد کړی.

دا په داسې حال کې ده چې له دې مخکې د لبنان حزب الله اعلان کړی و چې د ۲۰۲۴ کال د اکتوبر له لومړۍ نیټې راهیسې تر اوسه څه باندې ۱۳۰ صهیونیسټي پوځیان هلاک  شوي او تر ۱۲۵۰ زیات پوځیان ټپیان شوي دي.

د لبنان د اسلامی مقاومت غورځنګ هم په لبنان باندې د صهیونیسټی رژیم له حملې څخه تراوسه پورې ۱۶۶۶ عملیاتونه ترسره کړی دی او د دغو عملیاتو په لړ کښې یې په نیول شویو سیمو کښې د صهیونیسټی پوځیانو اډې او د صهیونیسټی میشت ځایونو تر ۱۵۰ کیلومترۍ پورې په نښه کړی دی.