په ایران اسلامي جمهوریت کښې پوځي مانوره ترسره شوه

زمونږ خبریال راپور راکړی د ایران په فردو او خنداب سیمو کښې د هوايي دفاع پوځي مانوره ترسره شوه چې پکښې ډول ډول بې پایلوټه الوتکې او توغندي وزامویل شول.

د ایران پوځ وویل چې له توغندوي حملو څخه د اټومي مرکزونو  د ساتلو مانوره هم ترسره شوه.

د ایران پوځ ویلي دي چې دغه پوځي مانوره به د روان میلادي کال د مارچ میاشتې تر نیمايي پورې دوام ولري.

د ایران رسنیو وویل چې د دغه پوځي مانورې هدف د حملو پرضد د هیواد د هوايي دفاع سیسټم پیاوړي کول دي.

د ایران رسنیو دغه راز وویل چې د دغه پوځي مانورې مقصد د دښمن د ممکنه حملو پرضد د جنګي چمتووالي ارزونه هم ده.