د غزې ورځ له استعماري نیواک څخه د خلاصون ورځ ده
ایرنا خبري اژانس راپور راکړی د ایران د بهرنیو چارو د وزارت ویاند «اسماعیل بقايي هامانه» د غزې د ورځې په مناسبت په یوه پیغام کښې ټینګار وکړ:
مقاومت او مبارزه له اپارتائیډ او استعماري نیواک څخه د خلاصون او د برخلیک د ټاکلو د حق د ترلاسه کولو لپاره یو انساني او د نړیوالو حقوقو پراساس یو قانوني حق دی.
هغه پرون په خپلې ایکس پاڼه کښې غزه د مقاومت د بیلګې د ورځې په مناسبت ولیکل په دغه ورځ د فلسطین د معصومو ماشومانو او د بې ګناه ښځو او د سړیو چې په تیرو شپاړسو میاشتو کښې د صهیونیسټ د نیواکګر رژیم د استعماري ختمولو د جنایتکارانه پلان قرباني شوي دي د یادولو ورځ لمانځو او د صهیونیست رژيم د اپارتائید او د نسل وژنې په مقابل کښې د غزې د خلکو د اسطوره اي مقاومت احترام کوو.
د غزې د ورځې په مناسبت د ایران د خارجه وزارت د ویاند اسماعیل بقايي هامانه پیغام په داسې حال کښې دی چې د فلسطین حماس غورځنګ په تیرې جمعې ورځې په یوې بیانیې کښې وویل د مینځګړو هیوادونو په هڅې سره اوربند ته د رسیدا لپاره رامینځته شوي خنډونه ختم شول.
له دې سره په یووخت د صهیونیسټ رژیم سیاسي امنیتي کابینې هم په غزې کښې له اوربند او د بندیانو له تبادلې سره موافقت وکړ او د دغه موافقې اجرا کیدل به سبا دوشنبې ورځ پیل شي.
