د مقاومت وسله د فلسطین سره کرښه ده
پارس ټوډې - د فلسطین د اسلامي مقاومت غورځنګ (حماس) ویاند وویل: د مقاومت وسله د فلسطین سره کرښه ده او بې وسلې کول د منلو وړ نه دي.
د ایرنا په حواله او د پارس ټوډې د راپور له مخې؛ د حماس ویاند عبداللطیف القانوع وویل: صهیونیسټي رژیم د فلسطیني ملت د وژلو لپاره له ممنوعه وسلو څخه کار اخیستی دی.
القانوع څرګنده کړه: د صهیونیسټي رژیم د پوځیانو بشپړ وتل او دایمي اوربند، د اوربند د دویم پړاو دوه مسایل دي او موږ دا چمتووالی لروچې د دغو دوو غوښتنو د پوره کېدو په صورت کې، د دښمن ټول بندیان یوځای آزاد کړو.
د حماس ویاند وویل: له جګړې وروسته د غزې اداره کول د فلسطینیانو پر غاړه دی او هېچا ته د دې خاورې په کورنیو چارو کې د لاسوهنې اجازه نه ورکوو.
القانوع ټینګار وکړ: د بیت المقدس اشغالګران اوس هم له پیسو ورکولو پرته، د خپلو بندیانو د بېرته نیولو په فکر کې دي، خو دا غوښتنه عملي نه ده.
د حماس ویاند وویل: د تیارو کورونو، تجهیزاتو او وسایلو رسېدل او د استوګنې او مرستې بشپړول، د حماس غورځنګ لومړیتوب دی او موږ یې د تحقق لپاره جدي هڅې کوو.
