د اسرائیلو جنایتکار رژیم د کورني جنګ په درشل کښې دی
ایرنا خبري اژانس راپور راکړی د صهیونیسټ رژيم د پوځ د زیرمه ځواکونو لوړرتبه جنرال په دغه رژيم کښې داخلي اختلافاتو او درز ته په اشارې سره وویل اسرائیل د یوه کورني جنګ په درشل کښې ورغلی دی.
د صهیونیسټ رژيم اوم ټيلي ويژن نن د اسرائیلو د پوځ د زیرمه ځواکونو د یوه جنرال «اسحاق بریک» په قول وویل د اسرایلو په خلکو کښې موجود نفرت له خارجي ګواښونو څخه زیات د اسرائیلو موجودیت ته ګواښ کوي.
د فلسطین نیواکي ټاټوبي تقریبا هره ورځ د اسرائیلو د لومړي وزیر بنیامین نتانیاهو او د هغه د کابینې پرضد د خلکو د پراخو مظاهرو او په لومړي وزیر باندې د حکومت د مخالفو سیاسي ګوندونو د سیاستوالانو د هراړخیزه نیوکو ډګرونه دي.
دا په داسې حال کښې دي چې د اسرائیلو د لومړي وزیر نتانیاهو او د شاباک په نوم د کورني امنیت او استخباراتي ادارې او د لوی څارنوال ترمینځ اختلافات زیات شوي دي او لومړي وزیر د شاباک مشر له کاره لیری کړی او د لوی څارنوال د لیرې کولو هڅه هم کوي.
نتانیاهو چې د اسرائیلو ډیر جنایتکار او ظالم لومړی وزیر دی د فلسطین د مظلومو خلکو د شهیدولو او د ژوبلو اصلي مسوول دی.
