د اسرائیلو نیواکګر رژیم نور اتیا فلسطینیان شهیدان کړل
زمونږ خبریال راپور راکړی د فلسطین په غزې تړانګه کښې د صهیونیسټ رژيم بریدونه دوام لري او په بمباریو کښې نور اتیا کسان هم شهیدان شول.
د بهرنیو رسنیو د راپور پراساس د فلسطین په غزې تړانګه کښې په تیرو څلرویشتو ساعتونو کښې د اسرائیلو په حملو کښې د مرستې په تمه د نهو ناستو کسانو په شمول اتیا کسان شهیدان شوي او څلور سوه پنځوس نور ژوبل شوي هم دي.
د فلسطین په غزې تړانګه کښې د ډوډۍ او د خوراکي موادو د نشتون په وجه نهه نور کسان شهیدان شوي او د خوراکي شیانو د نشتون په وجه تراوسه د شهید شویو کسانو شمیر یوسل دوه ویشتو ته رسیدلی.
د ویلو ده چې د اسرائیلو لخوا د سختې کلابندۍ په وجه له تیرو څو میاشتو راهسې غزې تړانګې ته د مرستو ټرکونو نشي تللی چې له کبله هلته قحطۍ رامینځته شوي ده او ډیرې خلک له سختې لوږې سره مخامخ دي.
بلې خوا د اسرائیلو دیکتاتور لومړي وزیر بنیامین نتانیاهو ویلي دي چې دې له امریکا سره یوځاې د صهیونیسټي بندیانو د خوشي کولو او په غزې تړانګه کښې د حماس غورځنګ د واکمنۍ د ختمولو لپاره په نورو لارو چارو غور کوي.
