د پاکستان او د عراق د باندنیو چارو وزیرانو خبرې وکړې
زمونږ خبریال راپور راکړی د عراق د بهرنیو چارو وزیر «فواد حسین» او د پاکستان د باندنیو چارو وزیر «محمد اسحاق ډار» په ټيلي فوني تماس کښې په دوه اړخیزه اړیکو او د هغو د پیاوړي کولو په لارو چارو باندې په غور کولو سربیره بغداد ته د پاکستان د ولسمشر اصف علي زرداري د راتلونکي اونۍ د سفر په هکله مشوره وکړه.
د پاکستان خارجه وزیر د عراق په ځینو ښارونو کښې د سپیڅلیو زیارتونو او د هیواد له لوړرتبه چارواکو سره د کتنې په شمول د دغه سفر لپاره د یوه ښه پروګرام د چمتوکولو په خاطر د عراق د حکومت قدرونه وکړه.
د پاکستان ولسمشر اصف علي زرداري د عراق د ولسمشر عبداللطیف رشید په رسمي بلنه بغداد ته ورځي.
د پاکستان او د عراق خارجه وزیرانو دغه راز د اسلامي ملګرتیا موسسې د غړیو هیوادونو د خارجه وزیرانو د کانفرنس په هکله چې ټاکل شوې ده د راتلونکي میلادي کال په اپریل میاشت کې په بغداد کښې وشي بحث او د نظر تبادله وکړه.
