د ایران ځانګړي استازي د افغانستان له چارواکو سره خبرې وکړې
ایرنا خبري اژانس وايي د افغانستان په چارو کښې د ایران د اسلامي جمهوریت د خارجه وزیر ځانګړي استازي محمد ابراهیم طاهریان فرد د افغانستان د ملي روغې جوړې د لوړې شورا له مشر عبدالله عبدالله او خارجه وزیر محمد حنیف اتمر سره کتنې او خبرې وکړې .
محمد ابراهیم طاهریان فرد اسلام اباد ته د سفر او د افغانستان د وروستیو امنیتي او د سیاسي بدلونونو په هکله د پاکستان له چارواکو سره د خبرو په درشل کښې د افغانستان د ملي روغې جوړې د لوړې شورا له مشر عبدالله عبدالله او خارجه وزیر حنیف اتمر سره خبرې وکړې .
په دغو کتنو کښې د افغانستان د روانو حالاتو په هکله بحث وشو او دواړو لورو په دې هکله د سلامشورو د دوام پرضرورت ټینګار وکړ .
د افغانستان په چارو کښې د ایران ځانګړي استازي محمد طاهریان فرد د افغانستان په چارو کښې د پاکستان د ځانګړي استازي محمد صادق خان په بلنه نن د یوه(۱) سیاسي پلاوي په مشرۍ اسلام اباد ته سفر کوي .
