د ایران وسله وال ځواکونه له لوړ چمتووالي برخمن دي
د ایران د اسلامي جمهوریت د وسله والو ځواکونو ویاند سردار ابوالفضل شکارچي ټینګار وکړ د ایران وسله وال ځواکونه لوړ چمتووالی لري .
هغه له العالم ټیلي ويژن سره په مرکه کښې وویل د ایران وسله وال ځواکونه د سیمې او د نړیوالو بدلونونو لپاره ضروري چمتو والی لري .
د ایران د وسله والو ځواکونو ویاند سردار ابوالفضل شکارچي د افغانستان د مسائیلو په هکله هم وویل په افغانستان کښې تر ټولو ستره پیښه د امریکا تښتیدل دي او په افغانستان کښې چې هر حکومت جوړ شي باید د ټولو خلکو ګټې په نظر کښې ولري او د هیواد لپاره امنیت برابر کړي .
هغه وویل د افغانستان نوی حکومت باید امریکا ته بیرته د ورتلو اجازه ورنکړي او باید د سیمې د هیوادونو په امنیت منفي اغیز ونه شیندي .
د ایران د وسله والو ځواکونو ویاند سردار ابوالفضل شکارچي ډاګینه کړه امریکا له افغانستانه ونه وتله بلکې ماتي یې وخوړله او له افغانستانه وتښتیدله او زیاته یې کړه د امریکا شتون هیڅکله امنیت نه راولي بلکې یوازې د سیمې د بې ثباتۍ او د ورانۍ سبب شوی دی چې تر ټولو ښه ثبوت یې د عراق او د افغانستان پیښې دي .
هغه وویل د سوریې او د عراق په رسمي غوښتنه مو دغو هیوادونو ته پوځي مشورې وکړي او مونږ په سیمه کښې د امنیت د رامینځته کولو هڅه کوي .
شکارچي وویل ایران د مظلومو ملتونو ملاتړ کوي خو دا ملاتړ د وسلو د استولو په معنا نه دی .
