په اربعین کې د ایرانیو زیارتوالو شمیربه نوره هم زیات شي
د تهران او بغداد ژور ارتباطات د دواړو هیوادونودحکومتونو او د دوو ملتونو له زړونو او باؤرونو څخه سرچینه اخلي ،د ایران او عراق اړیکې په دوو هیوادونو نه ختمیږي ، دواړه هیوادونه په سیمې ، نړۍ او په نړیوالو ارتباطاتو کې هم ډيرې اغیزشیندونکي کیدلی شي .
زمونږخبریال راپور راکړ د ایران د اسلامی جمهوریت ولسمشر د عراق له لومړي وزیر سره له خبرواترو وروسته په خبري ناستې کې ټينګار وکړ،د اربعین په دستورو کې دایرانیو زیارتوالو شمیر زیاتیږي .
راپور ښئ ابراهیم ریئسي په دغه خبري کنفرانس کې ووئیل،له ورور او دوست هیواد عراق سره د ایران مناسبات ډيرښه دي،چې دغه مناسبات په سیاسی،اقتصادي او کلتوري حوزو کې دي، البته لازیاتې پراخیدلی شي .
د اسلامی ایران ولسمشر په دې خبرې په ټینګارسره چې د ایران اوعراق اراده د دوواړخیزو اړیکو پراختیا ده،زیاته کړې ده،دعراق لومړي وزیر ژمنه ورکړې چې د حسینی اربعین په دستورو کې د شتون لپاره د ایرانیو زیارتوالو شمیر زیات کړي .
هغه ووئیل ،د دواړو هیوادونو د ویزو لغوه کیدا د ایران لپاره د عراق د لومړي وزیر ښه خبر ؤ .د ډاکټر ریئسي په وینا، دتهران او بغداد ژور ارتباطات د دواړو هیوادونودحکومتونو او د دوو ملتونو له زړونو او باؤرونو څخه سرچینه اخلي ،د ایران او عراق اړیکې په دوو هیوادونو نه ختمیږي ، دواړه هیوادونه په سیمې ، نړۍ او په نړیوالو ارتباطاتو کې هم ډيرې اغیزشیندونکي کیدلی شي .
د ایران ولسمشر روښانه کړې ده ،د ایران او عراق اراده د ریلي کریډور او له بصرې سره د شلمچې ارتباط پراختیا ده چې د عراق د لومړي وزیر په حکم سره ټاکل شوې ده زرترزره ترسره شي .
دعراق لومړي وزیر هم په دغه خبری کنفرانس کې ووئیل ، له داعش تکفیری ترهه ګرې ډلې سره په مبارزې کې د اسلامی ایران مننه او ستاینه کوو.الکاظحي زیاته کړې ده،دعراق حکومت او ملت په درستو چیلنجونو او مشکلاتو او مختلفو شرائطو کې د ایران دملت او حکومت تر څنګ دریږي.
دعراق لومړي وزیر ووئیل د ایران عراق ترمینځ یو زر څلور سوه کلومیټر مشترک سرحد موجود دی چې د دواړو هیوادونو د نزدیکت ښودنه کوي . هغه وویل دوهم ځل دی چې ایران ته راغلی یم چې د دواړو هیوادونو د اړیکو اهمیّت نندارې ته وړاندې کوي .
