ایران د ناپيیلي هیوادونو په استازیتوب د بندیزونو د ختمولو غوښتونکی شو
په ملګرو ملتونو کې د ایران د اسلامي جمهوریت استازې د ناپییلي هیوادونو په استازیتوب په هیوادونو باندې د امریکې او د لوېدیځو هیوادونو د یو اړخیزو او غیرقانوني بندیزونو د ختمولو غوښتونکی شو.
زهرا ارشادی د ملګرو ملتونو د عمومي غونډي په شپږمه کمېټه کې وویل: د ناپېیلي هیوادونو غورځنګ له هغو هیوادونو څخه چي په یو اړخیزه توګه بندیزونه لګولي، غواړي چي دغه بهیر ته د پای ټکی کښیږدوي.
ارشادي د مخ په ودي هیوادونو په ضد د اقتصادي اقداماتو څخه د اندېښنې په ښودلو سره ټینګار وکړ چي یو اړخیز بندیزونه د ملګرو ملتونو د منشور څخه سرغړوی دی او د نړیوالو قوانینو او د سوداګریو د نړیوال سازمان د کمزوري کېدو سبب ګرځي.
هغې زیاته کړه چي د امنیت شورا په کراتو د ملګرو ملتونو د عمومي غونډي، د اقتصادي شورا او ټولنیزي شورا په چارو کې لاسوهنې کوي، ناپیلې هیوادونه د ملګرو ملتونو د منشور پر بنیاد د اصلاحاتو غوښتنه کوي.
