ایران د یوې ښې نړیوالې موافقې غوښتونکی دی
د ایران خارجه وزیر دې ته په اشارې سره چې ایران په دو اړخیزو اړیکو او په ایټمي خبرواترو کې نتیجه ورکونکی او عمل پال کړچار لري ، هیله وښودله چې دتهران او پاریس مشورې ، د دواړو هیوادونو ترمینځ دملګرتیاؤ دعملی پرمختګ سبب شي .
زمونږخبریال راپور راکړ، دایران داسلامی جمهوریت خارجه وزیر حسین امیر عبداللهیان نن د فرانسې له خارحه وزیر ژانیو لودریّن سره نن په ټيلیفوني خبرو کې په ویانا کې د جامعې نړیوالې ایتمي موافقې د لورو ترمینځ د کیدونکو خبرواترو او د دوو اړخیزو مناسباتو پشمول دمختلفو موضوعګانو په باب بحث او مشورې وکړې.
دایران خارجه وزیر د نړیوالې ایټمي موافقې په اوسني وضعیّت رامینځةکیدا کې د امریکا د مسئولیّت او د امریکا په زیات غوښتنې کې د درو اروپائي هیوادونو د چپتیا د رول په یادولو سره زیاته کړې ، ایران د یوې ښې موافقې د ترلاسه کولو غوښتونکی دی ، خو دا چاره ځینې لازمې لري ، چې په هغو کې خپلو بشپړ ژمنتیاؤته د مقابل لورو د بیرته ستنیدا او د بندیزونو مؤثره لغوه کیدا شامله ده .
د ایران خارجه وزیر دې ته په اشارې سره چې ایران په دو اړخیزو اړیکو او په ایټمي خبرواترو کې نتیجه ورکونکی او عمل پال کړچار لري ، هیله وښودله چې دتهران او پاریس مشورې ، د دواړو هیوادونو ترمینځ دملګرتیاؤ دعملی پرمختګ سبب شي .
امیر عبداللهیان ، ایران او فرانسه د سترو ظرفیّتونو لرونکي هیوادونه وبلل او روښانه ئې کړه ، ایران د متقابل احترام او ګډو ګټو په اساس د دوو اړخیزو او هراړخیزو اړیکو د پراختیا لپاره تیار دی او په مختلفو حوزو کې مناسبات لازیات پراخولی شي . هغه د ایران دفاعي پروګرام د هر یو ه هیواد د حاکمیّت حق وباله او زیاته ئې کړه ، د امریکا دبندیزي ناغیړي چلند ته په بې پامۍ سره په قدرت سره دایران ددفاعي توان زیاتولو ته دوام ورکوي . هغه دې ته په اشارې سره چې د ایټمي انرژۍ نړیوال آژانس باید له سیاسی پالنې ډډه وکړي ، له دغه اورګان سره ئې د ایران تخنیکي ملګرتیاؤ پر دوام ټینګار وکړ .
دفرانسې خارجه وزیر هم په دغه ټيلیفوني تماس کې ددې خبرې په کولو سره چې پاریس جامعې نړیوالې ایټمي موافقې ته د درستو لورو دستنیدا ملاتړ کوي ، او هرهغه څه چې په توان کې ئې لري ، په دې لړ کې ئې ترسره کوي، هیله وښودله چې په ویانا کې کیدونکي خبرې اترې په چټک پرمختګ سره یو ځاي وي .
په دغه تماس کې د ایران د اسلامی جمهوریت ولسمشر ابراهیم ریئسي ته د فرانسې د ولسمشر آمانوئل ماکرون سلام او د خارجه وزیرانو متقابل ځواب هم منعکس شو .
