د افغانستان په قندوز کښې د ايران بشردوستانه مرستې اوېشل شوې
د افغانستان په مزار شريف کښې د ايران کنسولګرۍ د قندوز د خلقو ترمېنځ د ايران د اسلامي جمهوريت مرستې ووېشلې.
د تسنيم خبري آژانس د رپوټ له مخې په مزار شريف کښې د ايران د اسلامي جمهوريت کنسولګرۍ اعلان وکړ چې د ايران بشر دوستانه مرستې چې وريجې،غوړي، اوړۀ او نورې غېرنغدي مرستې پکښې شاملې وې د ځاي چارواکو په موجودګۍ کښې د قندوز د خلقو ترمېنځ ووېشل شوې.
په افغانستان کښې د ايران د سفير مرستيال سيد حسن مرتضوي له دې مخکې وويل د اسلامي انقلاب معظم رهبر د افغانستان له مظلومو خلقو سره د ايران د اسلامي جمهوريت د بشردوستانه مرستو په دوام تاکيد وکړ.
د ايران اسلامي جمهوريت په افغانستان کښې د نوي سياسي دوران په رامنځته کېدو سره تل د دغه هېواد د خلقو لپاره خپلې بشردوستانه مرستې لېږلې دي.
د افغانستان له خلقو سره انسان دوستانه مرستې د ايران اصولي سياست دےاو دغه مرستې په د ژمي په موسم کښې دوام ومومي.
