په هرات کې د ایران کنسولګرۍ ویزې ورکوي

د افغانستان په لوېدیځ ولایت هرات کې د ایران د اسلامي جمهوریت کنسولګرۍ د ویزو ورکړه له سره پیل کړې ده.

د (آوا) له راپور سره سم، په هرات کې د ایران د اسلامي جمهوریت سرکنسولګری رسنیو ته وویل: د سیاحتي وېزو د ورکړې بهیر له سره پیل شوي او هغه کسان په لومړیتوب کې دي چي له مخکې ثبت نام کړي وه.

ایران څه موده مخکې اعلان کړی و چي د اومیکرون وایرس د خپراوی د مخنیوی په موخه یې له ګاونډیو هیوادونو سره یې ځمکني سرحدات د ۱۵ ورځو لپاره بند کړي دي.

دا پرېکړه د ایران د اسلامي جمهوریت د کرونا وبا سره د مقابلې د کمیټې له لوري شوې ده.