د افغانستان په هلکه د ایران او قطر صلاح مشورې

د افغانستان لپاره د ایران د اسلامي جمهوریت او د قطر ځانګړو استازو په دوحه کښې ملاقات کړی دی

حسن کاظمي قمي پرون په دوحه کښې د مطلق بن ماجد القحطاني سره وکتل او د افغانستان په اړه د ملګرتیا په لړ کښې یې ورسره د نظر تبادله وکړه.

د ایران اسلامي جمهوریت همیشه په افغانستان کښې د یو ټول شموله حکومت په جوړیدو او د امنیت او ثبات په ټینګیدو تاکید کړی دی.

هم داشان د ایران د خارجه وزارت ویاندوي سعید خطیب زاده هم ویلي چې ایران د افغانستان د خلکو په فکر کښې دی او ورته ژمن دی او په عین حال کښې د افغانستان له راتلونکي سره د مرستې لپاره خپل پوره پوره کوشش کوي.