امریکا دې د ایران د روا اندیښنو ځواب ورکړي
چین: امریکا باید د ایران په اوسنۍ ایټمي مسئلې کښې د ګرم لوري په توګه زرترزره سیاسي فیصله وکړي
د چین د بهرنیو چارو د وزارت ویاند د برجام د راژوندي کولو په ضرورت باندې په ټینګار سره څرګنده کړه: امریکا باید د ایران په اوسنۍ ایټمي مسئلې کښې د ګرم لوري په توګه زرترزره سیاسي فیصله وکړي او په فعاله توګه دې د ایران روا اندیښنو ته ځواب ورکړي
ایرنا پرون لیکلي چې ژائو لیجیان د بندیزونو د ختمولود مذاکراتو په هکله د خبرواترو لپاره د چارشنبې په ورځ د جرمني، فرانسې او بریتانیا له خارجه وزیرانو سره د امریکې د بهرنیو چارو د وزیر انتوني بلینکن د کتنې او په دې هکله د بیجنګ د دریځنیونې په هکله د یوې پوښتنې په ځواب کښې څرګند کړه: د برجام موافقې د راژوندي کولو لپاره خبرې اترې فاینل مرحلې ته رسیدلې دي، ټول لوري د موافقې د دوباره فعالیدو لپاره د متن د برخو په سر یو نظر ته رسیدلي دي او ډیر لږ مواردو پاتې دي چې باید حل شي.
