د پارلماني استازو سره د اسلامي انقلاب د معظم رهبر لیده کاته:
د اسلامي انقلاب معظم رهبر د ایران د پارلماني استازو سره په لیدنه کې تاکید وکړ چي د هیواد په چارو کې یوازې په اخلاص او مجاهدت سره بریا تر لاسه کېدایشي.
د اسلامي شورا یا د ایران د پارلمان د یوولسم پړاو استازو نن د امام خمینی ره په جومات کې په حضور سره، د اسلامي انقلاب د معظم رهبر ایت الله خامنه ای سره ولیدل.
د اسلامي انقلاب معظم رهبر په دغه لیده کاته کې د سپېڅلي جهاد په دوران کې د خرمشهر فتح کېدا د ملی ژغورنې او د ناوړه معادلاتو د بدلون بېلګه وباله او تاکید یې وکړ چي نن سبا هم د پخوا په څېر د هیواد په چارو کې یوازې په اخلاص او مجاهدت سره، بریا تر لاسه کېدایشي.
حضرت ایت الله خامنه ای زیاته کړه: جهاد، سرشیندنه، کلکه اراده، نوښت، څېړنه او تعقیبونه، د دې ټولو روح اخلاص او په متعال خدای باندې توکل دی.
هغوی څرګنده کړه چي اخلاص، مجاهدت او په خدای باندې توکل یوازې د سپېڅلي دفاع د دوران لپاره ځانګړي نه دي بلکې له ټولو هغو داخلي او بهرني ستونزو سره چي نن سبا ورسره مخ یاست د همدغو عواملو یعنی اخلاص، مجاهدت او توکل سره بریالیتوب تر لاسه کولایشي.