امریکایان دې په نړیواله سویه حقیقت پال چلند وکړي
د ایران د اسلامی جمهوریت خارجه وزیر ووئيل،که امریکایان حقیقت پال چلند وکړي،نو د ایران په ضد دظالمانه بندیزونو دلغوه کولو لپاره نړیوالې ایټمي موافقې ته رسیدل شوني دي.
ایرنا خبری آژانس راپورورکړ، دایران د اسلامی جمهوریت خارجه وزیر حسین امیر عبداللهیان نن د زنګبار له ولسمشر حسین مویني سره په کتنې کې ددې خبرې په کولو سره چې دایرن په ضد دبندیزونو د لغوه کولو لپاره ډيرې هلې ځلې شوي دي ،روښانه کړې ده،اسلامی ایران او مقابل لوري، یوې ښې او تل پاتې موافقې ته د رسیدا لپاره ، دکار دوروستیو مرحلو نهایت ته رسیدلي دي.
امیر عبدللهیان د ایران د ظالمانه بندیزونو په پړاؤ کې د زنګبار اوتانزانیا دمساعدتونو او تعاملاتو په قدرونې سره و زنګبار ولسمشر ته په خطاب کې ووئيل، ایران د هائيټک ،طبی او پوهې په څير په حوزو کې پنځم مقام لري او تیار دی خپلې تجروبې زنګبار اوتانزانیا ته منتقلې کړي.
د ایران خارجه وزیر په طبي،درملو،کرهڼې، طبي زده کړو،کبانو او نورو حوزو کې د ایران د اسلامی جمهوریت مختلفو ظرفیّتونو ته په اشارې سره روښانه کړه،د بریښنا دتولید او د لمریزې انرژۍڅخه داستفادې په حوزې کې ، ایران لوړه ټيکنالوجي لري او دمګړۍدعراق په جنوب کې یوازې یو ایرانی شرکت د درې زره میګاواټي بریښنائي بټۍ په جوړولو بوخت دی چې لومړنی فیز ئې پاي ته رسیدلی دی.
د ایران خارجه وزیر د ایران اوزنګبار د ګډې اقتصادي کمیټې دجوړولو د وړاندیز په مطرح کولو سره ، وړاندیز وکړپه ایران او زنګبار کې د اقتصادي –صنعتي تخصصی نندارتونونه جوړ شي،همداراز علمي او پوهنتوني مبادلات پراخ شي او ددې ترڅنګپارلیماني ډيپلوماسي هم پراخه شي.
د زنګبار ولسمشر هم ایران ته دسفر لپاره له هغه د ایران دو لسمشر دبلنې په قدرونې سره ، دسمندري صنائعو اوکبانو په حوزو کې او دغه راز د تیلو او ګیسو د ویستنې او ورسره ، ددټيکنالوجيکي پارکونو ،کرهڼیزو چارو ، تعلیم ،ډیم جوړونې ،لارو جوړونې او نورو حوزو کې له اسلامی ایران سره په ملګرتیاټينګار وکړ.
