ایران کښې ترهګرې حملې ۱۳ کسان شهیدان کړي دي

زمونږ خبریال وايي نن د ایران د اسلامي جمهوریت په شیراز ښار کښې په شاهجراغ سپیڅلي حرم کښې د ماښام د لمانځ په وخت د یوه تکفیري ترهګر لخوا په لمونځ ګزارو باندې په ټروریسټي حملې کښې تراوسه پینځلس کسان شهیدان شوي او څلویښت نور ژوبل شوي دي چې ځینې پکښې مرګي حاله دي.

د ایران چارواکو ویلي دي چې حمله کونکی ترهګر نیول شوی او درملنه یې روانه ده.
د ایران د کورنیو چارو وزیر احمد وحیدي د شاهچراغ د سپیڅلي حرم په ترهګرې پيښې کښې د شهید شویو کسانو  کورنیو او ملت ته په تسلیت ویلو سره وویل د دښمن لخوا د وروستیو بلواو بهیر د خطرناکې لارې په لور روان دی او ترهګر بهیرونه له دغو پیښو د استفادې په حال کښې دي او خلک باید ځانونه له بلواو څنګ ته کړي او امنیتي ځواکونه هم سخته څارنه کوي.