د یمن خلکو د مظلومیت پیغام رسول د هر چا دنده ده
د ایران د ولسمشر مرستیال وویل: دا د هر چا دنده ده چې د یمن د مظلومو خلکو پیغام نړۍ ته ورسوي او له هغوی سره مرسته وکړي.
د ایران پرس خبري اژانس د راپور له مخې، د ایران د اسلامي جمهوریت د ولسمشر مرستیال«محمد اسلامي» د دوشنبې په ورځ د یمن ولس له مقاومت سره د نړۍ قدرتونو د پیوستون په نړیوال کنفرانس کې زیاته کړه: په دغه غونډه کې د راغلو میلمنو شتون کولای شي د نړۍ غوږونو ته د یمن خلکو د مظلومیت او مقاومت پیغام ورسوي.
اسلامي زیاته کړه: عربی هېوادونه د فلسطین د ملت په مظلومیت او د استکبار په وړاندې په تیري کولو سره د یمن د ولس صداقت له پامه غورځوي او په دغه مظلوم هېواد کې د انتقالي حکومت ملاتړ کوي.
سعودي عربستان د امریکا، اماراتو او یوشمېر نورو هېوادونو په ملاتړ سره د ۲۰۱۵ میلادي کال له مارچ میاشتې راهیسې پر یمن پوځي تیری کړی او دغه هېواد یې د ځمکې ، سمندر او هوا له لارې کلابند کړی دی چې د دې جګړو له امله تراوسه له ۱۶ زره ډېر یمنیان وژل شوي، لسګونه زره کسان ټپیان شوي او په میلیونونو یمنیان بې ځایه شوي دي.
