ایران او بیلاروس د دوه اړخیزې ملګرتیا پر پراختیا ټینګار کړی
د ایران د اسلامي شورا مشر او د بیلاروس ولسمشر په مختلفو برخو کښې د دوه اړخیزې ملګرتیا په پراخولو تاکید وکړ
د ایران د اسلامي شورا(پارلیمان) مشر محمد باقر قالیباف په تهران کښې د بیلاروس د ولسمشر الیکزنډر لوکاشنکو په کتنه کښې، په دې خبرې سره چې سیمه ایز او نړیوال حالات د اړیکو پراخولو ته برابر دي، وویل: دا په دوه اړخیزو اقداماتو پورې اړه لري ځکه چې نن سبا ټول پوهیږي چې امریکا څرنګه هڅه کوي چې د خپلې یواړخیزپالنې بهیر پراخ کړي.
قالیباف هم داشان په دې خبرې سره چې نن سبا ناټو او لویدیځ د هغو هیوادونو په وړاندې ولاړ دي چې خپلواکه ژوند تیرول غواړي، څرګنده کړه: د دې اقداماتو په وړاندې باید په مختلفو برخو کښې خپل مینځي اړیکې پراخې کړو او په راکړو ورکړو کښې اسانتیاوې رامینځته کړو.
په دغه کتنه کښې د بیلاروس ولسمشر هم په دې خبرې سره چې د دواړو هیوادونو د تبادلاتو اندازه درې چنده زیاته شوې ده، زیاته کړه: د بندیزونو له امله له رامینځته شویو ستونزو د تیریدو لپاره د بایکاټ شویو هیوادونو ترمینځ یووالی او پيوستون ضروري دی.
هغه ټینګار وکړ چې بیلاروس له ایران سره د اړیکو د پراخولو لپاره هیڅ محدودیت نه لري.
