د ایران اوپاکستان مشرانود تجارتي ملګرتیاوپه پراختیا ټینګاروکړ
د ایران او پاکستان مشرانو د لوړ رتبه پلاویو د تبادلې په دوام او د دوه اړخیزه تجارت د اندازې د زیاتولو لپاره په ګډو هلوځلو ټینګار وکړ .
دپاکستان لومړی وزیر او وروسره ملګري له ایران سره د ګډسرحدی بازار له پرانستلووروسته د اسلامی ایران له ولسمشر سره په کتنه کې د تجارتي ملګرتیاو د پراختیا د لارو چارو په اړه خبری اترې وکړې .
د ایرنا له راپور سره سم د پاکستان د لومړی وزارت د عمومی اړیکو دفتر وویل د شهباز شریف او ابراهیم رییسي کتنه او غونډه په سرحدی سیمه کې د لوړ رتبه پلاویو په سویه ترسره شوه .
د ایران او پاکستان مشرانو د لوړ رتبه پلاویو د تبادلې په دوام او د دوه اړخیزه تجارت د اندازې د زیاتولو لپاره په ګډو هلوځلو ټینګار وکړ .
دا په وروستی یوه کال کې د سید ابراهیم رییسي او شهباز شریف دریمه کتنه حسابیږي .
د پاکستان لومړی وزیر شهباز شریف او د اسلامی ایران ولسمشر سید ابراهیم رییسي همداراز له ایرانه پاکستان ته د بریښنا د انتقال طرحه هم اجرایی کړه .
