قران کریم ته د سپکاري په اړه د حقوقي کتنې کنفرانس ترسره شو
د ایران د صدا او سیما سازمان د غونډو په تالار کې قرانکریم ته د سپکاوي په اړه د حقوقي کتنې په موخه د یو شمېر وکیلانو، زده کړیالانو او د مذهبي او حقوقي کارپوهانو په ګډون کنفرانس ترسره شو.
د ایران د صدا او سیما سازمان د غونډو په تالار کې قرانکریم ته د سپکاوي په اړه د حقوقي کتنې په موخه د یو شمېر وکیلانو، زده کړیالانو او د مذهبي او حقوقي کارپوهانو په ګډون کنفرانس ترسره شو
د ایران پریس د خبر له مخې، د دغه کنفرانس یو تن ویناوال علیرضا مظلوم د لیکلې مقالې له مخې د کورنیو قوانینو او اسلامي هېوادونو له نظره قران کریم ته د سپکاوي د مخنیوي لارې چارې بیان کړې.
دغه کارپوه ټینګار وکړ چې د سوډان او ډنمارک هېوادونو په ګډون په ګڼ شمېر اروپايي هېوادونو کې مقدساتو ته سپکاوی جرم دوام لري.
نوموړي وویل: د ملګرو ملتونو د بشر حقونو وروستۍ اعلامیې دیني مقدساتو ته د سپکاوي د غندلو په برخه کې یو قوي سند ګڼل کیږي.
په دغه کنفرانس کې ګڼ شمېر نورو کارپوهانو د بېلا بېلو حقوقي اړخونو له نظره په وروستیو کې قران کریم ته د سپکاوي په اړه ویناوې وکړې.
دغه راز د دغه مقدس کتاب په اړه سوال او ځواب هم د دې علمي کنفرانس برخه وه.
