د ایران د قضائیه قوې مرستیال:
امریکا د بشري حقوقو اصطلاح کاروي خو اپوټه عمل کوي
د ایران د اسلامي جمهوریت د قضایي قوې مرستیال په ټینګار سره وویل: امریکا په هرې پلمې سره، د بشري حقوقو په زړه پورې اصطلاح کاروي خو د هغه ضد عمل کوي.
په ایران کې د امریکایي بشري حقوقو د اشوا کولو نړیوال نندارتون د یو شمېر موسساتو او حقوقي ولسي بنسټونو په ګډون تر سره شوه.
د ایران د اسلامي جمهوریت د قضایي قوې مرستیال حجت الاسلام محمد مصدق په یاد نندارتون کې وویل: امریکایي چارواکي په هرې پلمې سره، د بشري حقوقو او د ازادی په څېر له الفاظو ناوړه استفاده کوي، هغوی له یوې خوا ځانونه د بشري حقوقو او د برخلیک د ټاکلو ملاتړي بولي خو په ورته مهال کې د فلسطین د ولس لپاره هیڅ حقوق په نظر کې نه نیسي.
هغه یادونه وکړه چي په تېرو څو لسیزو کې د امریکا د دولت غیرقانوني او بشري ضد چلند په تېره بیا په بالکان، سوډان، سوریې، عراق او افغانستان کې ټولو ته څرګنده ده.